[食譜] 啤酒煮蜆

啤酒煮蜆
今次唔用任何汁醬炒,清清哋,用啤酒煮,呢個味道比用日本清酒煮多佐陣槐花香味.正!
先將蜆用清水加鹽及放鐵匙羮落水令蜆吐沙,以防有沙蜆在內(冇蜆肉,只有沙泥在蜆殼內),請小心檢視!將蒜茸起鑊,落蜆炒勻炒得咁上下就落啤酒(中意邊隻就用邊隻,唔駛問人,個人喜好!)成鑵落晒之後及蓋等出煙,落一細包已發好及剪好嘅粉絲落鑊,之後再落少少鹽及蔥花炒勻上碟,完成!前後唔駛三個字整起!~希望你哋中意!